១. តើអ្នកបានរៀបចំហើយឬនៅក្នុងការទទួលការរស់នៅបែបសហគ្រិន?ការចាប់ផ្ដើមធ្វើជំនួញ មិនមែនជាការងារទេ ប៉ុន្តែវាគឺជាដំណើរផ្សងព្រេងមួយដែលអ្នកត្រូវដើរទៅកន្លែងដែលអ្នកមិនធ្លាប់បានស្គាល់ពីមុន។ ដូច្នេះអ្នកត្រូវតែរៀបចំខ្លួនឱ្យបានល្អក្នុងការទទួលការរស់នៅបែបជាសហគ្រិន គឺថាហ៊ានធ្វើការសម្រេចចិត្ត និងទទួលខុសត្រូវចំពោះការសម្រេចចិត្តរបស់ខ្លួន។
២. តើអ្នកមានមហិច្ឆតាប៉ុណ្ណាក្នុងការក្ដាប់ឱកាសនេះ?អ្នកត្រូវតែពេញចិត្តធ្វើការជាមួយអ្នកដទៃទៀតជាលក្ខណៈដៃគូ អតិថិជន អ្នកវិនិយោគ និងអ្នកដទៃទៀត។ អ្នកត្រូវតែក្ដាប់ឱកាសឱ្យបានល្អនៅរាល់ពេលធ្វើការទំនាក់ទំនង។
៣. តើអ្នកមានទំនុកចិត្តទេថា អ្នកអាចប្រឈមនឹងផលលំបាកបាន?ការបង្កើតជំនួញគឺជារឿងលំបាក មិនមែនគ្រាន់តែចាប់ផ្ដើមហើយក្លាយទៅជាសេដ្ឋីនោះទេ។ អ្នកអាចប្រឈមមុខនឹងបញ្ហាយ៉ាងច្រើននៅក្នុងដំណើរទៅរកភាពជោគជ័យ។
៤. តើអ្នកយល់ដឹងអ្វីខ្លះអំពីជំនួញដែលអ្នកចង់ធ្វើ?ចូរពិចារណាធ្វើជំនួញណាដែលអ្នកមានជំនាញ ឬយល់ដឹងច្បាស់។ បើសិនមិនដូច្នោះទេ អ្នកមិនអាចយល់ដឹងច្បាស់លាស់ទេ អ្នកទំនងជាមិនបានជោគជ័យឡើយ។
៥. តើជំនួញប្រភេទណាដែលស័ក្ដិសមនឹងខួរក្បាលរបស់អ្នក?អ្នកខ្លះចូលចិត្តផ្ដល់សេវាកម្ម ឯអ្នកខ្លះចូលចិត្តខាងផ្នែកបច្ចេកទេស និងការលក់ផលិតផល។ ដូច្នេះលោកអ្នកត្រូវតែដឹងច្បាស់ថា តើខួរក្បាលរបស់លោកអ្នកអាចនឹងធ្វើអ្វីបាន។
៦. តើអ្នកបានរៀបចំផែនការលំអិតអំពីជំនួញរបស់អ្នកដែរឬទេ?អ្នកជំនួញខ្លះអាចរៀបចំផែនការយ៉ាងច្បាស់នៅក្នុងខួរក្បាលរបស់ពួកគេ។ ដូច្នេះហើយបានជាគេសរសេររៀបចំយ៉ាងលំអិតនូវផែនការជំនួញរបស់គេ។ បើសិនជាអ្នកមិនមានគម្រោងផែនការទាំងនេះទេ អ្នកនឹងមានផលលំបាកនៅពេលចាប់ផ្ដើម។
៧. តើអ្នកបានដើមទុនមកពីណា ហើយតើអ្នកមានជម្រើសអ្វីខ្លះ?ដើមទុនគឺជាផ្នែកមួយដ៏សំខាន់នៅក្នុងការបង្កើតជំនួញមួយ។ អ្នកត្រូវតែសួរខ្លួនឯងឱ្យច្បាស់ថា តើអ្នកមានដើមទុនមកពីណា ខ្ចីធនាគារ ប្រាក់របស់គ្រួសារ ខ្ចីពីមិត្តភក្ដិ ឬចូលហ៊ុនគ្នា។ អ្នកត្រូវតែមានជម្រើសជានិច្ច៕
ប្រភព៖cool1007
