អស្ចារ្យ!! មិនសរសើរមិនបាន សូរ្យ អេនណា ទទួលពានតារាឆ្នើមនៅ Asia Model Festival 2017

ក្នុងដំណើរបើកក្បាលដំបូងនៃក្រុមតារាបង្ហាញម៉ូដតារារះថ្មីកម្ពុជាក្រោម ការគ្រប់គ្រងរបស់តារាបង្ហាញម៉ូដែល កញ្ញា សូរ្យអេនណា ទៅប្រកួតដើរម៉ូដនៅប្រទេសកូរ៉េ Asia Model Festival 2017 ត្បិតមិនដណ្តើមម្កុដគ្រងពានប្រចាំប្រទេស ក្នុងតំបន់អាស៊ី ប៉ុន្តែប្រធានក្រុមហ៊ុនតារាបង្ហាញម៉ូដ វ័យក្មេង កញ្ញា សូរ្យ អេនណា ក៏អះអាងថា នាងក៏មានឱកាសស្ពាយភាពជោគជ័យតំណាងតារាកម្ពុជាពីAsia Model Festival 2017 ផងដែរ។

កញ្ញា សូរ្យ អេនណា ប្រធានក្រុមបង្ហាញម៉ូដតារារះថ្មីកម្ពុជាបានបញ្ជាក់ថា៖ «ក្នុងចំណោមប្រទេសទាំង ២៧ ដែលមានតារាម៉ូដែលទៅចូលរួមប្រកួតដើរម៉ូដក្នុងកម្មវិធីAsia Model Festival 2017ធ្វើនៅប្រទេសកូរ៉េ មាននារីម៉ូដែលចំនួនបីប្រទេសលើកពានគឺ ម៉ូដែល មកពីប្រទេស ចិន ម៉ាឡេស៊ី និងអ៊ូបេគឺស្ថាន»។

ប៉ុន្តែយ៉ាងណា តារាម៉ូដែលវ័យក្មេងវិវន្ដន៍សមត្ថភាពឡើងជាអ្នកគ្រប់គ្រងម៉ូដែល និងមានឱកាសបញ្ជូនសមាជិកក្រុមទៅប្រជែងសមត្ថភាពម៉ូដែលនៅក្រៅប្រទេស កញ្ញា សូរ្យអេនណា ក៏ឲ្យដឹងដែរថា៖ «ត្បិតក្រុមម៉ូដែលតំណាងកម្ពុជាដណ្តើមភាពជោគជ័យនោះមិនបាន ប៉ុន្តែដោយឡែក ខ្ញុំ ក៏ទទួលបានពានមួយតំណាងកម្ពុជាមកជូនជាតិដែល Asia Model Festival 2017 ប្រគល់ឲ្យក្នុងនាមជាតារាម៉ូដែលឆ្នើមរបស់កម្ពុជា»។

កញ្ញា សូរ្យ អេនណា ក៏បន្ថែមថា «ពានខ្ញុំទទួលបានក្នុងការប្រកួត Asia Model Festival 2017 មានឈ្មោះ Cambodia Model Star Award Dane Ny ហើយពាននេះមានតារាម៉ូដែលឆ្នើមពីប្រទេស ថៃ ម៉ុងហ្គោល ក៏ទទួលបានផងដែរ»៕