ដោយសារតែតម្រូវការសាច់ទា នៅក្នុងស្រុកមានការកើនឡើងឈ្មួញដែលលក់សាច់ទា បានរិះរកគ្រប់មធ្យោបាយធ្វើយ៉ាងណា ដើម្បីបោចរោមទាអោយបានច្រើនក្បាលដែលចំណាយពេលខ្លី។
ថ្មីៗនេះ មានការរកឃើញថា ឈ្មួញដែលលក់សាច់បានរកឃើញនូវមធ្យោបាយថ្មី ក្នុងការបោចរោមទាបានយ៉ាងលឿន។សត្វទារាប់រយក្បាលត្រូវបានគេបោចរោមចំណាយតែពេលប៉ុន្មាននាទី វាមានលក្ខណលឿនជាងមុន ហើយឈ្មួញងាយស្រួលមិនសូវហត់ដូចពីមុន ដោយគ្រាន់តែយកសត្វទាដែលគេអាករហើយ ជ្រលក់ចូលក្នុងជ័រកៅស៊ូដែលកំពុងពុះ រួចហើយស្រង់វាចេញដាក់ក្នុងទឹកត្រជាក់ហើយយកកៅស៊ៅដែលជាប់នោះចេញ រោមមួយសរសៃរក៏គ្មានដែរ។ មធ្យោបាយបោចទាថ្មីនេះវាល្អសំរាប់ឈ្មួញ ពីព្រោះវាចំណេញពេលវេលា មិនចំបាច់ប្រើប្រាស់កំលាំងពលកម្មច្រើន ប៉ុន្តែជាតិជ័រកៅស៊ូនេះ អាចជ្រាបចូលក្នុងសាច់ទាហើយពេលមនុស្សបរិភោគសាច់ទានេះ នឹងធ្វើអោយមានផលប៉ះពាល់ដល់សុខភាពខ្លាំងណាស់។ នេះជាការច្នៃបែបបំផ្លាញសុខភាព ប្រៀបដូចរបៀបដាក់ថ្នាំកុំឲ្យរុយរោមប្រហុក ដាក់ថ្នាំឲ្យសណ្តែកបណ្តុះ ឫខ្ញីនៅសល្អ ជាដើម។
នេះគ្រាន់តែជាការប្រើផ្លូវកាត់ របស់មនុស្សខ្ជិលមនុស្សគ្មានការយល់ដឹង ហើយបំផ្លាញសុខភាពមហាជន និងជាតិឯង។
បើចង់ដឹងថាតើឈ្មួញគេបោចទាយ៉ាងណាមើលវីដេអូខាងក្រោម៖
ប្រភព ៖ tv2fb
